Օրեր առաջ ՊԳԵԴ-YSSF Հ/Կ մի խումբ երիտասարդներ առիթ ունեցան ներկա գտնվելու «Ակտիվ երիտասարդ քաղաքացիների նախաձեռնություն» հասարակական կազմակերպության և Երևանի քաղաքապետին կից երիտասարդության հարցերի խորհրդի կողմից իրականացվող «Երբ բանավիճում են երիտասարդները» բանավեճի ակումբի հերթական հանդիպմանը: Օրվա բանավեճն իրականացվում էր «Զարգացած երկրները պետք է օգնեն և աջակցեն զարգացող երկրներին» ձևակերպման շուրջ:

Բանավեճի ժյուրիի անդամներ էին քաղաքապետի օգնական Սամվել Մերթարջյանը, հոգեբանական գիտությունների թեկնածու, դոցենտ ԵՊՀ Ընդհանուր հոգեբանության ամբիոնի դասախոս Դավիթ Հայրապետյանը և ԵՊՀ դասախոս, «Ակտիվ երիտասարդ քաղաքացիների նախաձեռնություն» ՀԿ-ի փոխնախագահ Մարինե Եղոյանը:

... Կարդալ »»»

Արդեն մի քանի տարի է, ինչ Հայաստանի բազմահազար հասարակական կազմակերպությունների շարքում ձևավորվել ու կայացել է ՊԳԵԴ-YSSF Հ/Կ-ն՝ շնորհիվ իր անդամների ամենօրյա նվիրված աշխատանքի, օրեցօր մեր շարքերը համալրող երիտասարդների և ուսանողների: Արդյունքում մենք ձեռք ենք բերել և շարունակում ենք ստանալ համագործակցության հրավերներ՝ ինչպես անհատ բարեգործների, այնպես էլ կայացած կազմակերպությունների կողմից, որոնց պարբերաբար կանդրադառնանք մեր հոդվածներում:

Այժմ ուզում ենք անդրադառնանք այդպիսի համագործակցության ձևաչափերից մեկին: Երկարատև քննարկումներից հետո օրեր առաջ ՊԳԵԴ-YSSF Հ/Կ ղեկավար Գևորգ Մանուկյանի և Համաշխարհային Հայկական Կոնգրեսի Երիտասարդական Կազմակերպություն Ասոցիացիայի նախագահ Մարիամ Մարտիրոսյանի միջև ձեռք բերված համագործակցության պայմանավորվածության շնորհիվ, Երևանում գտնվող "Մոսկվայի տուն" կրթամշակութային տանը ՊԳԵԴ-YSSF-ը այսուհետ բացառիկ հնարավորություն ունի իրականացնելու պարբերական և շարունակական հանդիպումներ, սեմինարներ և թրեյնինգներ:

... Կարդալ »»»