Օրեր առաջ ՊԳԵԴ-YSSF Հ/Կ մի խումբ երիտասարդներ առիթ ունեցան ներկա գտնվելու «Ակտիվ երիտասարդ քաղաքացիների նախաձեռնություն» հասարակական կազմակերպության և Երևանի քաղաքապետին կից երիտասարդության հարցերի խորհրդի կողմից իրականացվող «Երբ բանավիճում են երիտասարդները» բանավեճի ակումբի հերթական հանդիպմանը: Օրվա բանավեճն իրականացվում էր «Զարգացած երկրները պետք է օգնեն և աջակցեն զարգացող երկրներին» ձևակերպման շուրջ:

Բանավեճի ժյուրիի անդամներ էին քաղաքապետի օգնական Սամվել Մերթարջյանը, հոգեբանական գիտությունների թեկնածու, դոցենտ ԵՊՀ Ընդհանուր հոգեբանության ամբիոնի դասախոս Դավիթ Հայրապետյանը և ԵՊՀ դասախոս, «Ակտիվ երիտասարդ քաղաքացիների նախաձեռնություն» ՀԿ-ի փոխնախագահ Մարինե Եղոյանը:

ՊԳԵԴ-ականների կարծիքով, հաճելի է ներկա գտնվել նման ինտելեկտուալ մրցույթներին, որոնք ոչ միայն անհատական գիտելիքների ձեռքբերման և հմտությունների զարգացման հարթակ են ծառայում, այլև նպաստում են նոր ու կիրթ երիտասարդների հետ ծանոթանալու, փոխադարձ կապեր հաստատելու և հետագա համատեղ ծրագրեր իրականացնելու գործընթացներին: