«Պետական Գործիչների Երիտասարդական Դպրոցում» ավարտին են մոտենում “PR, Marketing և գովազդ” առարկայի դասընթացներն, որոնք մեծ աշխուժությամբ իրականացնում է “Global Media Lab” ընկերության հիմնադիր, «ՊԳԵԴ-YSSF» հասարակական կազմակերպության աշխատակազմի ղեկավար Սեդա Վարդանյանը:

2014թ-ի մայիսի 10-ին մեր Դպրոցում անպատմելի աշխուժություն էր տիրում: Այդ օրը մեր ուսանողները հանձնեցին իրենց ավարտական ստուգարքները «Բանավեճի արվեստ» առարկայից, որից անմիջապես հետո պետք է ներկայացնեին իրենց PR-մարքետինգային WOW-նախագծերը:

Նախապես բաժանված լինելով 10 թիմերի, որոնցից յուրաքանչյուրն ընտրել էր իր նախասիրած ոլորտը, այդ օրը հնարավորություն ստացան իրենց նախագծերը ներկայացնել 5 թիմ: Մեր ուսանողները պատրաստել էին բիզնես գաղափարներ և նախանշել դրանց իրականացման ուղիները, որոնք պատրաստ են գրոհել տեղական շուկան, սկսած խանութից և զբոսաշրջային ոլորտից մինչև հայաստանյան բրենդի տարածում:

Մեր երիտասարդների ներկայացրած ծրագրերից ակնհայտ դարձավ, որ նրանց ջանքերն իզուր չէին անցել: Դե իհարկե, ինչպես ամեն նոր գաղափար և ծրագիր, նրանց առաջարկները ևս ենթակա են հղկման, սակայն միայն այն համարձակությունը, ինքնատիպությունը և ստեղծագործական մոտեցումը, որ ցուցաբերեցին մեր ուսանողները, արժանի է մեծ դրվատանքի և խրախուսման:

Մեր մյուս 5 թիմերի ծրագրերի՝ WOW-Project-ների ներկայացումը կլինի մայիսի 17-ին, ժամը 14.00-ին, որից հետո կամփոփվեն բոլորի աշխատանքները և լավագույն ծրագիրը հավանաբար կվաստակի մեր Դպրոցի կողմից հետագայում կյանքի կոչելու իրավունքը: Գուցե մենք լավագույնը չենք, բայց ամեն ինչ անում ենք, որ լինենք ԱՌԱՋԻՆԸ…

«ՊԳԵԴ-YSSF» Հ/Կ տեղեկատվության և հասարակայնության հետ կապերի բաժին
Անի Մարտիրոսյան
Վիկտորյա Ստեփանյան