Սիրելի երիտասարդներ, ի ուրախություն ձեզ, ուզում ենք տեղեկացնել, որ այսուհետ ՊԳԵԴ-YSSF-ում ձևավորվել է բանավիճային և այլ երիտասարդական կազմակերպությունների հետ ինտելեկտուալ խաղերի և բանավեճերի անցկացման համար նախատեսված խմբակ, որի անդամները պարբերաբար կկազմակերպեն և կիրականացնեն հետաքրքիր միջոցառումներ:


Ընդամենը ժամեր առաջ մեր ինտելեկտուալների խմբակի մի խումբ անդամներ՝ Լիլիթ Սիմոնյանը, Դավիթ Մարգարյանը, Հասմիկ Չիլինգարյանը և Արմինե Բոյախչյանը Երևանի Ջագեր փաբում մասնակցեցին «Երբ բանավիճում են երիտասարդները» բանավեճի ակումբի կողմից կազմակերպված առաջին ընկերական խաղին: Այս խաղն իր ֆորմատով տարբերվում էր բանավեճի ակումբի կազմակերպած ավանդական մյուս բանավեճերից: Բանավեճը ընկերական էր, չկար ժյուրի, որն հայտնում էր իր կարծիքը, այլ հաղթանակը որոշելու էր հանդիսատեսը:

Բանավեճի թեմա ակումբի կողմից ընտրվել էր՝ «Հաճախորդը միշտ ճիշտ է» կարգախոսը: Մինչ խաղը սկսելը` անցկացվեց վիճակահանություն, ըստ որի «ՊԳԵԴ» թիմն իր դիրքորոշումը պետք է պաշտպաներ «Համաձայն ենք» դիրքորոշմամբ:

Քանի որ այս ձևաչափով ժյուրիի անդամներ չկան և խաղի արդյունքը որոշում է հանդիսատեսը, թիմերի գլխավոր խնդիրն համոզիչ փաստարկներով հանդիսատեսին իրենց կողմը գրավելն էր: Երեք փուլերում էլ մրցող թիմերն իրենց դիրքորոշումը կարողացան մինչ խաղի ավարտը պաշտպանել և մրցակից թիմին ապացուցել, որ իր դիրքորոշումն առավել փաստարկված է: Խաղի արդյունքն որոշելու համար անցկացվեց հանդիսատեսի տեղաշարժ, որի արդյունքում մրցող թիմերը հավաքեցին հավասար միավորներ, և ինչպես նշեց «Երբ բանավիճում են երիտասարդները» բանավեճի ակումբի վարող Նորայր Զորյանը «Հաղթեց ընկերությունը»:

Եվ բանավեճի ընթացքը և արդյունքը ՊԳԵԴ-YSSF-ցիներին ամենևին էլ ոչզարմացրեց և ոչ էլ զայրացրեց, քանի որ մեր Դպրոցում մշտապես հաղթել և գերիշխել է թիմային և ընկերային հաղթանակը: Շնորհավորում ենք մեր թիմին և մաղթում թիմային բազում հաղթանակներ և ընկերային գործունեության բերկրանք: