Հունիսի 2-ին ԵՈՒԻ-YSI-ի ներկայացուցիչները հանդիպեցին ‹‹Պետական գործիչների երիտասարդական դպրոցի›› ՀԿ ներկայացուցիչների հետ։
ՀԿ-ն աշխատում է տարբեր երիտասարդների հետ, անկախ մասնագիտական, քաղաքական պատկանելությունից։
ՀԿ-ն իրականացրել է բարեգործական միջոցառումներ, տարբեր թեմաներով դասընթացներ, որոնք կազմակերպվում և իրականացվում են կազմակերպության անդամ և համակիր երիտասարդների կողմից։ Ունի դուստր կազմակերպություն ԱՄՆ Լոս Անջելես քաղաքում՝ Երիտասարդների հանրություն և հիմնադրամ (YSF):
Հանդիպման ընթացքում Ինստիտուտը ներկայացրեց երիտասարդների զբաղվածության վերաբերյալ հետազոտական արդյունքները, որից հետո տեղի ունեցավ քննարկում այսօր Հայաստանում զբաղվածության ոլորտում երիտասարդներին հանդիպող հիմնական խնդիրների վերաբերյալ:
ՀԿ ներկայացուցիչերը հատկապես շեշտադրեցին երիտասարդների մոտ փորձի պակասի խնդիրը, աշխատանքային իրավունքների վերաբերյալ գիտելիքների պակասը: Իսկ ՀԿ նախագահ Գևորգ Մանուկյանը նշեց, որ երիտասարդների շրջանում առկա է տարբեր ճգնաժամային իրավիճակներում կողմնորոշվելու, թիմով աշխատելու, բանավիճելու հմտությունների զարգացման կարիք։
Հետագա համագործակցության համար որոշվեց ճանաչողական հանդիպում կազմակերպել ԵՈԻԻ-ում ‹‹Պետական գործիչների երիտասարդական դպրոցի›› ՀԿ անդամների, համակիրների համար, որի շրջանակներում նաև կիրականացվի երիտասարդության հիմնախնդիրների վերաբերյալ քննարկում։
Հիշեցնենք, որ Երիտասարդական Ուսումնասիրությունների ինստիտուտը գործընկերային հանդիպումների շարք է սկսել երիտասարդական ոլորտում գործունեություն ծավալող կազմակերպությունների, կառույցների հետ, որը կնպաստի ոլորտում ցանցի ստեղծմանն ու զարգացմանը: