«Ակտիվ երիտասարդ քաղաքացիների նախաձեռնություն» ՀԿ-ն Քաունթերփարթ ինթերնեշնլի հայաստանյան ներկայացուցչության և ԱՄՆ ՄԶԳ-ի աջակցությամբ իրականացնում է «Կամավորությունը նույնպես աշխատանք է» ծրագիրը: Ծրագրի նպատակն է ստեղծել կամավորների կոորդինացման բազա՝ հանդիսանալով երիտասարդ և գործատու կապող օղակ, աջակցել երիտասարդներին կամավորական աշխատանքի միջոցով ստանալ մասնագիտական (ինչպես նաև ադմինիստրատիվ) աշխատանքային հավելյալ փորձ:

Ծրագրով նախատեսվում է ` 1. Ուսուցողական դասընթաց հետևյալ թեմաներով` - Ինչ է կամավորությունը, ում համար է այն, ինչ է տալիս, - Առաջնորդություն, - Ժամանակի կառավարում, - Թիմային աշխատանք, - Կոնֆլիկտների հաղթահարում, - Հանդիպում-քննարկում տվյալ ոլորտի ներկայացուցչի հետ /հոկտեմբեր/,

2. Երկամսյա կամավորական մասնագիտական աշխատանք համապատասխան կազմակերպություններում` նոյեմբեր-դեկտեմբեր ամիսներին /կնքվում է պայամանգիր, ամբողջ գործընթացը համակարգվում է կազմակերպության կողմից/,

3. Կամավորական գրքույկների հանձնում, որտեղ հստակ նկարագրվում է կամավորի կողմից իրականացված աշխատանքը` գործառույթները, որը կնքվում և ստորագրվում է գործատուի և ԱԵՔ-Ն-ի կողմից /հունվար, 2014թ./:

Ծրագրի թիրախ խումբ են հանդիսանում 18-30 տարեկան ուսանող կամ արդեն շրջանավարտ իրավաբանները, միջազգայնագետները և հաշվապահները: Ծրագրին կմասնակցեն 60 երիտասարդներ, յուրաքանչյուր մասնագիտությամբ կհավաքագրվի 20 երիտասարդ: Մասնակիցը պետք է `

- Լինի 18-30 տարեկան, - Լինի ուսանող կամ արդեն շրջանավարտ համապատասխան մասնագիտություններով / իրավաբան, միջազգայնագետ և հաշվապահ /, ներկայացվելու է ուսանողական տոմս կամ դիպլոմ, - Կարողանա կիրառել հայերենը որպես աշխատանքային լեզու, - Լիարժեք և ակտիվ մասնակցի ծրագրի ամբողջ ընթացքին:

Մասնակիցները կընտրվեն հայտերի և հարցազրույցի հիման վրա: Մասնակցության համար անհրաժեշտ է լրացնել Հայտը և CV-ի հետ ուղարկել armvolbank@gmail.com էլ. հասցեով: Հարցերի դեպքում զանգահարեք 055 985 990 հեռախոսահամարով:

Դիմելու վերջնաժամկետն է սեպտեմբերի 12-ը: