2015թ մարտի 16-ին ՀՀ «Երիտասարդական միջոցառումների իրականացման կենտրոնում» (ԵՄԻԿ ՊՈԱԿ) տեղի ունեցավ «Փաստարկված երիտասարդական քաղաքականություն» թեմայով մինի թրեյնինգը, որն իրականացվում էր «Երիտասարդական ուսումնասիրությունների ինստիտուտի-Youth Studies Institute» ծրագրերի շրջանակներում։

Հանդիպման բանախոս, նշված ՊՈԱԿ-ի տնօրեն, ոլորտի փորձագետ Դավիթ Հայրապետյանը ներկայացրեց Երիտասարդական քաղաքականության հիմնական դրույթները, տեղական և միջազգային փորձը։

Հանդիպման ընթացքում ԵՄԻԿ ՊՈԱԿ-ի Ծրագրերի և մոնիտորինգի բաժնի գլխավոր մասնագետ Նելլի Գիշյանը ներկայացրեց Արևելյան գործընկերության երկրների փորձը պետական և հասարակական սեկտորների փոխհամագործակցության ոլորտում։

ՊԳԵԴ-YSSF Հ/Կ-ի կողմից սեմինարին մասնակցում էր հիմնադիր-ղեկավար Գևորգ Մանուկյանը, կամավորական փորձագետներ եվրոպական երկրներից:

Սեմինարի ավարտին մասնակիցները ամփոփեցին իրենց տպավորությունները, որոնք հիմնականում կայանում էին նրանում, որ երիտասարդական քաղաքականությունը պետք է հիմնված լինի փաստերի և գիտելիքների վրա: Միայն ճշգրիտ տեղեկատվությունը կարող է օգնել խուսափելու մակերեսային դատողություններից և, որ ամենակարևորն է, կարող է նպաստել ոլորտում ծախսերի արդյունավետության բարձրացմանը:

Հանդիպման արդյունավետ կողմերից կարելի է ընդգծել այն հանգամանքը, որ ընթացքում ջերմ և գործնական կապեր հաստատվեցին սեմինարի մասնակիցներից Նարինե Թեքնեջյանի հետ, ով հանդիսանում է Երիտասարդությունը ուժ է Հ/Կ-ի համանախագահը:

ՊԳԵԴ Հ/Կ-ի ղեկավարն ու Նարինե Թեքնեջյանը ձեռք բերեցին մի շարք գործնական պայմանավորվածություններ, որոնք պետք է կյանքի կոչվեն երկու Հ/Կ-ների համատեղ աշխատանքների արդյունքում: