ՀՀ սպորտի եւ երիտասարդության հարցերի նախարարությունը դեկտեմբերի 10-ից 11-ը Երեւանում կազմակերպել էր դասընթաց-սեմինար հատուկ հասարակական կազմակերպությունների համար: «Ուսուցման կազմակերպում՝ ուղղված երիտասարդական հասարակական կազմակերպությունների կարողությունների եւ հմտությունների զարգացմանը» ծրագրի շրջանակում մասնակիցներին ներկայացվեցին ծրագիր գրելու հմտությունները, եղանակները, արդյունավետ եւ սահմանված չափանիշներին համապատասխան դրամաշնորհային ծրագրերի հայտերի մշակման եւ ներկայացման ձեւերը:

Դասընթացը, որին մասնակցեցին շուրջ 60 հասարակական կազմակերպությունների ներկայացուցիչներ, անցկացնում էր «Երիտասարդական միջոցառումների իրականացման կենտրոնի»(ՊՈԱԿ) տնօրեն Դավիթ Հայրապետյանը։ Ծրագրի նպատակն էր՝ մասնակիցներին ներկայացնել դրամաշնորհային ծրագիր գրելու հմտությունները, եղանակները, արդյունավետ եւ սահմանված չափանիշներին համապատասխան ծրագրերի հայտերի մշակման եւ ներկայացման ձեւերը: Տեղեկատվություն տրամադրվեց նաեւ դրամաշնորհային ծրագրերի բյուջեների, հաշիվների կազմման վերաբերյալ:

Այս սեմինարին «Պետական Գործիչներ Երիտասարդական Դպրոց» Հ/Կ-ն ներկայացրել էր մեր գործընկեր Սիրանուշ Թորոսյանը, որի ակտիվ աշխատանքների շնորհիվ լիահույս ենք` ՊԳԵԴ-ը նույնպես կսկսի իր առաջին քայլերն իրականացնել դրամաշնորհային ծրագրերի կազմման և հայտերի ներկայացման գործընթացներում: Ըստ մեր մասնակցի` սեմինարի գլխավոր ձեռքբերումներից էր նաև ստեղծված նոր ծանոթությունները, որոնք աղբյուր են վաղվա օրն ավելի լավը դարձնելու համար։

ՊԳԵԴ-YSSF-ը շնորհակալություն է հայտնում սեմինարի կազմակերպիչներին և դասընթացավարներին, ինչպես նաև մեր Դպրոցի լավագույն ներկայացուցիչներից Սիրանուշ Թորոսյանին, ում գործուն մասնակցության շնորհիվ ՊԳԵԴ-YSSF Հ/Կ-ն ստացավ ՀՀ սպորտի և երիտասարդության հարցերի նախարարության հավաստագիրը: