«Պետական Գործիչների Երիտասարդական Դպրոցը» տեղեկացնում է 2014-2015թթ ուսումնական տարվա ընդունելության մասին:

Ավագ դպրոցի պատանիները, ԲՈՒՀ-երում սովորող երիտասարդները, Հայաստանում բնակություն հաստատած սփյուռքի մեր հայրենակիցները, ինչպես նաև բոլոր նրանք, ովքեր նախապատվություն են տալիս ոչ ֆորմալ կրթությանն ու շարունակական ինքնակրթությանը, սիրով հրավիրում ենք մեր դպրոց` միասին սովորելու:

Մեր դպրոցում ուսանել ցանկացողները պետք է իրենց ինքնակենսագրությունները` CV-ն, լուսանկարի առկայությամբ, մինչև սեպտեմբերի 15-ը ուղարկեն մեր դպրոցի էլեկտրոնային հասցեին` statefigures@gmail.com
Լրացուցիչ հայտնում ենք, որ ուսումնական տարին իր մեջ ներառելու է հետևյալ ուսումնական դասընթացները`

Սեպտեմբեր-հոկտեմբեր
-ՀՀ հարաբերությունները հարևան պետությունների հետ
Ա. Հայաստանի և Վրաստանի հարաբերությունները
Բ. Հայաստանի և Իրանի հարաբերությունները
Գ. Հայաստանի և Ադրբեջանի հարաբերությունները
Դ. Հայաստանի և Թուրքիայի հարաբերությունները

-ՀՀ հարաբերությունները ոչ հարևան պետությունների հետ
Ա. Հայաստանի և Արաբական երկրների հարաբերությունները
Բ. Հայաստանի և ԱՄՆ-ի հարաբերությունները
Գ. Հայաստանի և Ռուսաստանի հարաբերությունները
Դ. Հայաստանի և Չինաստանի հարաբերությունները

Նոյեմբեր-դեկտեմբեր
- Դիվանագիտական էթիկա և արարողակարգ

Փետրվար-մարտ
- Կառավարման էթիկա և լիդերի հոգեբանություն

Ապրիլ-մայիս
- ՀՀ Ազգային անվտանգության հայեցակարգը և համեմատականը հարևան երկրների հետ

Հունիս-հուլիս
- Հանդիպումների շարք ՀՀ պետական, հասարակական, քաղաքական գործիչների և քաղաքացիական նախաձեռնությունների անդամների հետ
ՀԻՇԵՑՈՒՄ. Պետական Գործիչների Դպրոցում ուսանելն անվճար է, ուսանողներին տրվում է հնարավորություն` մասնակցելու ճամբարների, արշավների, ֆորում-հավաքների, սեմինար-քննարկումների, հեռուստանախագծերի, միջազգային մի շարք կրթական ու հասարակական գիտաժողովների ու ֆլեշ-մոբերի:

Դասընթացն ավարտելուց հետո ուսանողներն ստանում են ՀԱՎԱՍՏԱԳԻՐ: Լրացուցիչ հարցերի դեպքում կարող եք նամակ գրել մեր Էլ.հասցեին(statefigures@gmail.com) կամ ֆեյսբուքյան էջին` Պետական Գործիչների Երիտասարդական Դպրոց (մեր պաշտոնական կայքն է` www.yssf.info):