2014թ-ի մարտի 15-ից «Պետական Գործիչների Երիտասարդական Դպրոց» հասարակական կազմակերպությունը վերսկսեց իր փուլային ու անվճար դասընթացները` այս անգամ որպես դասավանդվող առարկաներ կարևորելով «Մարքետինգ, PR և գովազդ» ու «Բանավեճի մշակույթ և ռազմավարություն» առարկաները:

Մեր գործունեության եռամյա փորձը, ինչպես նաև որակյալ մասնագետներ ու գիտելիքներ ապահովելու մեր հարուստ կենսափորձը այս անգամ մեր դպրոց էր ներգրավվել ՀՀ լավագույն ԲՈւՀ-երի առաջադեմ ուսանողների, ովքեր իսկապես կարևորում են ոչ ֆորմալ կրթությունն ու նրա ընթացքում ձեռք բերված գործնական հմտությունները:Պետք է արժանին մատուցել մեր շրջանավարտ, իսկ ներկայումս Դպրոցի աշխատակազմի ղեկավար Սեդա Վարդանյանին, ում ջանքերի շնորհիվ այս տարի մեր Դպրոցում կընթանան մարքետինգի, PR-ի և գովազդի միքս-գործնական դասընթացներ, որի շուրջ համախմբվեցին մի քանի տասնյակի հասնող երիտասարդներ և ուսանողներ: Այս փաստը բավականին ոգևորող և պարտավորեցնող է բոլորիս համար:

Այն հանգամանքը, որ դասընթացի մասնակիցներից շատերն արդեն իսկ աշխատում են կոնկրետ ոլորտներում, որտեղ իրենք առնչվում են մեր մատուցած գիտելիքների ու փորձի հետ գործնականում, մեր Դպրոցի մասնագետներին պարտավորեցնում է կատարել իրենց լավագույնն ու օգտագործել իրենց կարողության առավելագույնը՝ ապահովելու համար առավելագույն պրակտիկ և կիրառական գիտելիքներ ու հմտություններ:

«Պետական Գործիչների Երիտասարդական Դպրոցի» գործունեության համար բավականին արդյունավետ կարող է լինել համագործակցությունը ԲՀԿ Կրթական-Քաղաքական Ծրագրերի Կենտրոնի և «Խարիզմա» Հ/Կ-ի հետ: Վերջինիս հետ 2014թ-ի փետրվարից ձեռք բերված համագործակցության շնորհիվ նշված Հ/Կ-ի ղեկավար Արմինե Դավթյանը և մասնագետ Լուսինե Իգիթյանը երեք ամիս տևողությամբ կդասավանդեն «Բանավեճի մշակույթ և ռազմավարություն» առարկան:

Շնորհակալություն ենք հայտնում մեր հետ անշահախնդրորեն համագործակցող «Խարիզմա» Հ/Կ-ի ներկայացուցիչներին, Կրթական-Քաղաքական Ծրագրերի Կենտրոնի վարչակազմին և բոլոր դասավանդողներին:

Շնորհավորում ենք մեր դասընթացներին նոր ընդգրկված բոլոր ուսանողներին՝ մաղթելով հաջող ուսումնառություն և ուշագրավ բանավեճեր: